🌱 ជីវិតយើងម្នាក់ៗនៅលើផែនដីនេះ

🌱 ជីវិតយើងម្នាក់ៗនៅលើផែនដីនេះ យើងមានគោលជំហរ គោលបំណង ផែនការណ៍ រៀងៗខ្លួន មានតែយើងម្នាក់គត់ ដែលយើងដឹងថា ជីវិតរបស់យើងចង់ទៅជាបែបណា ទៅជាអ្វី ! 

🪨 ពេលខ្លះ យើងត្រូវការរងការប្រមាថ ការមើលងាយ ការយល់ច្រឡំ ពីមនុស្សដែលយើងស្រលាញ់ជាទីបំផុត គ្រួសារយើង មិនដែលជឿរជាក់យើង ទុកពេលវេលាអោយយើងសម្រេចផែនការណ៍ តែងតែគិតថាមិនអាចទៅរួច ជះឥទ្ធិពលថាមពលអវិជ្ចមាន មកលើការគិតរបស់យើង ធ្វើអោយប៉ះពាល់ដល់ការផ្តោតអារម្មណ៍សម្រេចកិច្ចការធំដែលយើងបានកំណត់ ។ ពេលខ្លះអាចនឹងរាំងស្ទះយឺតយ៉ាវដោយសារពាក្យសម្តីមនុស្សដែលយើងស្រលាញ់ជាទីបំផុតមិនអោយតម្លៃលើកទឹកចិត្តយើង ធ្វើអោយយើងគាំងត្រឹមមួយកន្លែង ឈរស្តាប់ទាំងឈឺចិត្តថាអ្វីដែលគេយល់ច្រឡំគិតខុសមកលើគោលដៅយើង ។ មិនត្រឹមតែប៉ុណ្ណឹងទេ នៅមានមនុស្សជាច្រើននាក់ទៀត គិតថាអ្វីដែលយើងកំពុងតែធ្វើ វាជារឿងខុស វាជាការសម្តែង រឺក៏យើងធ្វើមិនកើតមិនអាចទៅរួច យើងគ្មានវាសនា យើងគ្មានថាមពល យើងមិនអាចសម្រេច ផែនការណ៍យើងបានទេ យើងត្រូវឈរលើឆាកដ៍ធំល្វើងល្វើយ ដោយគ្មានអ្នកទស្សនា គ្មានអ្នកលើកទឹកចិត្ត មានតែយើងម្នាក់ឯងប៉ុណ្ណឹង ដែលយើងអាចនិយាយជាមួយខ្លួនឯងបាន សួរខ្លួនឯងបាន រកចម្លើយដោយខ្លួនឯង លើជម្រៅជីវិតដ៍ស្ងាត់សូន្យឆឹង ពេលខ្លះយើងអធិដ្ឋានមិនមែនការឆ្លើយតមអ្វីទាំងអស់ តែយើងត្រូវតែជឿរថា ព្រះឈរនៅជាមួយយើងគ្រប់វិនាទី ស្តាប់យើងគ្រប់យ៉ាង យើងនឹងទទួលបានអ្វីដែលយើងចង់បានយូរ និងឆាប់តាមពេលវេលា ជីវិតដែលសម្រេចគោលដៅធំ គឺមិនខុសពីយើងព្យាយាមបំបែកភ្នំដ៍ធំដោយប្រើតែកូនញញួរដ៍តូចតែប៉ុណ្ណោះ យើងត្រូវការភាពអត់ធ្មត់កម្រិតខ្ពស់បំផុត គិតវិជ្ចមានជានិច្ច ដើម្បីជម្នះនូវឧបសគ្គលើមាគ៌ាជីវិតមួយនេះ ។

🪞គេមើលយើងខុសជារឿងរបស់គេ យើងមើលខ្លួនឯងខុសតាមគេទើបជាកំហុសរបស់យើង សំខាន់យើងខ្លួនឯងកុំបាក់ទឹកចិត្តលើអ្វីដែលគេមិនជឿរជាក់ មិនអោយតម្លៃយើង។ ពេលវេលា ការតស៊ូរអត់ធ្មត់ បេះដូងបរិសុទ្ធរបស់យើង ភាពស្មោះត្រង់របស់យើង វានឹងបង្ហាញយើង ថា 10ឆ្នាំ 20ឆ្នាំ 50ឆ្នាំទៀត អ្វីដែលគេថាយើងធ្វើមិនកើត វាកើតចេញពិតប្រាកដមែន ជាផលសម្រេចបង្ហាញជាក់ស្តែងដល់អ្នកតែងតែមើលយើងខុស ហើយវេលាដ៍វែងអន្លែងសែនឆ្ងាយមួយនេះគ្មានឱកាសនិងត្រឡប់ក្រោយក្នុងការពន្យល់ពីអ្វីដែលគេមើលយើងខុសទៀតនោះទេ 💎 ។

ឧកញ៉ា ជា តុងហ៊ួរ ✝️