ព្រះសង្ឃ ណាំ ចាន់ថេន អន់ព្រះទ័យ បន្ទាប់ពីហេតុការណ៍ «យើស អាត្រងោល!»

នត្ថិ ទោសសមោ កលិ = ពុំមានកំហុសអ្វី ឲ្យស្មើនឹងទោសៈឡើយ។

នត្ថិ ទោសសមោ អគ្គិ = ពុំមានភ្លើងអ្វី ដែលក្តៅស្មើនឹងភ្លើងទោសៈឡើយ។

អ្នកហ៊ាននិយាយពាក្យអាក្រក់ម្តង អ្នកនឹងហ៊ាននិយាយអាក្រក់រាប់រយដងទៀត ដើម្បីការពារនូវកំហុសនោះ (វៀរលែងតែអ្នកដឹងខ្លួនថាខុសមែន) អ្នកដែលចូលចិត្តធ្វើអ្វី និយាយអ្វីដោយកំហឹង មិនគួរក្លាយជាអ្នកដឹកនាំគេឡើយ ព្រោះជាមនុស្សបែងចែកការងាររួម និងការងារផ្ទាល់ខ្លួនមិនដាច់ពីគ្នា ងាយនឹងបង្កគ្រោះថ្នាក់ដល់សង្គមជាតិ។ មិនគួរនិយាយអ្វី ឬធ្វើអ្វី ដែលនាំឲ្យអ្នកក្តៅក្រហាយចិត្តនៅពេលចុងក្រោយឡើយ។ ពេលនេះអ្នកអាចស្រវឹង ព្រោះនៅមានកំលាំង មានទ្រព្យធន មានតំណែង មានបក្សពួកជាដើម ប៉ុន្តែកុំភ្លេចថា អ្នកនឹងមានពេលអស់អ្វីអាងទាំងអស់ គឺពេលដែល ជរា ព្យាធិ និងមរណៈចូលមកគំរាម (ឬថា ពេលដែលអ្នកអស់តំលៃឱ្យគេប្រើ) ។ សូមរក្សាចិត្តឲ្យល្អក្នុងការបញ្ចេញមតិ។

ពាក្យសម្តីខាងលើជារបស់ព្រះគ្រូ San Sochea